Hər gün müntəzəm gəzməyin ürək sağlamlığından tutmuş çəki atmağa qədər bir çox faydası var. Mütəxəssislər deyir ki, hər gün müntəzəm gəzmək qocalmanı gecikdirir, ömrü uzadır. Tədqiqatlar göstərir ki, həftədə təxminən 20-25 kilometr piyada gəzən insanlar yeriməyənlərə nisbətən daha uzun yaşayırlar. Gündəlik təxminən yarım saat yürüyüş etmək ürək və ağciyərlərin sağlam qalması, həmçinin, stressi azaltmaq üçün də olduqca faydalıdır. Gəzərkən qan təzyiqiniz tənzimlənir, xoşbəxtlik hormonu olan endorfinlər ifraz olunur və özünüzü rahat hiss edirsiniz. Daimi və ritmik gəzinti arıqlamağa və çəkiyə nəzarət etməyə ciddi kömək edir. Hər gün 20 dəqiqə gəzməklə artıq piylərinizi yandırmaq və ildə 7 kilo arıqlamaq mümkündür. Amma təbii ki, bu prosesdə nə yediyinizi də diqqətdə saxlamalı və çəkiyə nəzarətinizi dəqiq etməlisiniz.

NECƏ GƏZİNTİ ETDİYİNİZ DƏ VACİBDİR

Gəzinti zamanı bədəninizin duruşuna diqqət edin. Geri və ya irəli əyilmədən dik yerimək lazımdır. Qollar vacibdir, çünki gəzinti zamanı gücünüzü artırmaq və ayaq hərəkətlərinizi tarazlaşdırmaq qolların işidir. Qolları yelləmək də 5-10 kalori yandırır. Əlləriniz yumruq kimi sıxılmamalıdır ki, qan axını nizamlı olsun. Ayaqları və qolları diaqonal olaraq aydın bucaq altında yelləmək sağlam gəzinti üçün mütləqdir. Başınızı irəli əyərək yerimək, yerə baxmaq və ya əksinə, onurğa sütununuzu zədələyə bilər. Çalışın gözləriniz irəli baxsın, başınız dik, qarnınız isə içəri olsun. Bundan əlavə, yaralanmaların qarşısını almaq üçün gəzinti zamanı əlləri boş tutmaq və heç bir şey daşımamaq vacibdir. Gəzərkən bir şey daşımaq lazımdırsa, beldən və ya bel çantasından istifadə edin.

YEMƏK YEDİKDƏN SONRA GƏZİN!

Qida qəbul etdikdən sonra mədə və bağırsaqları stimullaşdırmaq üçün bədənin hərəkətliliyini artırmaq qidanın daha sürətli həzm olunmasına imkan verir. Həkimlər yeməkdən sonra yeriməyin mədə xorası, mədə yanması, bağırsaq sindromu, divertikulyar xəstəlik və qəbizlik kimi xəstəliklərin qarşısını aldığını da deyir.

GƏZİNTİDƏN ƏVVƏL YÜNGÜL MƏŞQLƏR EDİN

Sürətli yeriməyə başlamazdan əvvəl mütləq yüngül əl-qol və ayaq hərəkətlərindən ibarət məşqlər edin. Bu əzələ və oynaq zədələrinin qarşısını alır, ürək-damar sisteminin məşqlərə uyğunlaşmasını asanlaşdırır.

SƏHƏRLƏR MÜTLƏQ GƏZİN

Gəzinti əslində günün istənilən vaxtında edilə bilər. Ancaq səhər yürüşləri orqanizmdə maddələr mübadiləsini sürətləndirməkdə və  yağların yandırılmasında daha təsirli olduğunu göstərən araşdırmalar da mövcuddur. Açıq havada və ya oksigenlə zəngin   mühitdə (park, göl, dəniz kənarı və s.) gəzmək sağlamlığınız üçün çox vacib amildir. Çünki açıq havada orqanizmin oksigenlə təmin olunması artır və piylərin yanması daha nizamlı olur.

YÜRÜŞ ZAMANI GEYİMLƏR DƏ RAHAT OLMALIDIR

Yürüşə çıxanda tər çəkən, bədəni sıxmayan, gəzinti zamanı rahat hərəkət etməyə imkan verən paltarlar seçin. Elastik altlığı olan və gəzinti üçün uyğun idman ayaqqabıları seçin. Çox böyük və ya dar ayaqqabılardan çəkinin.

Əgər sizdə sağlamlığınızın bələdçisi olmaq və gündəlik fərdi nəzarət altında doğru addımlarla hədəfinizə çatmaq istəyirsizsə “Fit”-dən yararlanın. Fit mobil tətbiqi ilə ye, iç, gəz, həm də sağlam bədənə sahib ol!

7 gün müddətində tətbiqin bütün imkanlarından pulsuz istifadə edə bilərsiniz.